भारतमा फेरि देखियो, स्कुटरमा छोरीको लास लग्दै गरेको घटना

बेङलुरु, फागुन १० । भारतको दक्षिणी राज्य कर्नाटकको टुमकुरमा सबैलाई निरास पार्ने एउटा फोटो सार्वजनिक भएको छ। उडीसाको एउटा अस्पतालबाट आफ्नो काँधमा श्रीमतिको लास बोकेर हिडेको घटना सेलाउन नपाउदै कर्नाटकमा पनि यस्तै प्रकृतिको अर्को घटना भएको छ।
कर्नाटकमा आफ्नो छोरीको लास लैजान बुबाले स्कुटरको सहयोग लिनु परेको छ। अस्पतालले छोरीको लास लैजान कुनै व्यवस्था उपलब्ध नगराएपछि यस्तो घटना भएको हो।
टुमकुर निवासी २० वर्षीय युवतीको उपचारको क्रममा निधन भएको थियो। मृत युवतीका पिताको आरोप छ, उपचारको क्रममा पनि उनको छोरीलाई हेर्न कुनै चिकित्सक आएका थिएनन्। राज्यको कानुनमन्त्री र गृहमन्त्री दुवै टमकुर क्षेत्रबाटै प्रतिनिधित्व गर्छन्। यस्तो अवस्थामा अस्पतालको खराब व्यवस्थालाई लिएर आवाज उठेको छ।

(एजेन्सी/ सेतोपाटी)