एमाले सचिव प्रदीप ज्ञवाली तीन दिनदेखि विरामी, सिभिल हस्पिटलमा उपचार जारी

काठमाडौं, १० फागुन । नेकपा एमालेका सचिव प्रदीप ज्ञवाली तीन दिनदेखि विरामी परेका छन् । उनको नयाँबानेश्वरस्थित सिभिल हस्पिटलमा उपचार भइरहेको छ ।

युवा संघ नेपालका प्रवक्ता प्रभातविक्रम कटवालले दिएको जानकारी अनुसार डायरिया भएपछि ज्ञवाली सोमबार अस्पताल भर्ना भएका हुन् ।

‘उहाँ तीन दिनदेखि विरामी हुनुहुन्छ,’ कटवालले भने- ‘पखाला लागेर पेट साह्रै दुखेपछि उहाँलाई हिजो अस्पताल भर्ना गरिएको हो । जाँच भइसक्यो । फाइनल रिपोर्ट आउन बाँकी छ । सायद भोलि डिस्चार्ज हुनुहुन्छ होला ।’

ज्ञवाली विरामी परेपछि पार्टीका नेता कार्यकर्ता उनलाई भेट्न अस्पताल पुगेका छन् ।